Тус арга хэмжээнд аймгийн Хөдөлмөрийн хэлтсийн мэргэжилтнүүд, Улиастай сумын ИТХ-ын ажлын албаныхан, сумын ЗДТГ-ын Хөдөлмөр эрхлэлтийн бодлого хариуцсан түшмэл,  багийн ажлын албаныхан оролцсон бөгөөд Улиастай сумын 6 багийн нутаг дэвсгэрт тухайн багийн иргэдийг хамруулан зохион байгуулж, сумын дүнгээр нийт 375 иргэн оролцож, мэдээлэл авсан юм.

      Аймгийн хөдөлмөрийн хэлтсээс хэрэгжүүлж буй  Малчдын хөдөлмөр эрхлэлтийг дэмжих хөтөлбөр, Хувиараа хөдөлмөр эрхлэгч, нөхөрлөл, хоршоо байгуулах иргэний дэмжих хөтөлбөр, Нийтийг хамарсан ажил, Хөгжлийн бэрхшээлтэй иргэний ажлын байрыг дэмжих хөтөлбөр, Хөдөлмөр эрхлэлтийн ур чадвар олгох, ажлын байр хадгалах хөтөлбөр, Залуучууд, мэргэжлийн боловсрол сургалтын байгууллагын төгсөгчдийн хөдөлмөр эрхлэлтийг дэмжих хөтөлбөрүүдийн талаар иргэдэд мэдээлэл хийж, гарын авлага/брошур/ тараан, иргэдийн сонирхсон асуултанд хариулт өгч, харилцан санал бодлоо солилцсон нь үр дүнтэй ажил боллоо.