Улиастай сумын 6 багийн ИНХ 2014 оны 01 дүгээр сарын 14-өөс 2014 оны 01 дүгээр сарын 23-ны өдрүүдэд ээлж дараалан хуралдлаа. Хурлаар багийн Засаг даргын 2014 онд хийж хэрэгжүүлсэн ажлын тайлан, ӨЭМТ-үүдийн тайлан, хэсгийн байцаагч нарын ажлын тайланг тус тус сонсож багийн Засаг даргын ажлын тайланд үнэлэлт, дүгнэлт өглөө.
    Сумын ИТХ-ын ажлын албанаас аймгийн "Цагдаагийн газар", "Хөдөлмөрийн хэлтэс", "Нийгмийн халамж үйлчилгээний хэлтэс", "Амь-Ус трейд ХХК" "Алтай-Улиастай ЭХС ТӨХК" "Хот тохижилт үйлчилгээний алба" зэрэг газруудад хамтран ажиллах тухай албан бичгийг багийн ИНХ-ын хуваарийн хамт хүргүүлснээр иргэдийн санал асуултанд холбогдох мэргэжлийн хүмүүс хариулт өгч, мэдээлэл хүргэж хамтран ажилласан нь үр дүнтэй ажил боллоо.

     Мөн багийн ИНХ-д тус багаас сонгогдсон аймаг, сумын ИТХ-ын төлөөлөгчид, сумын ИТХ-ын ажлын алба, сумын ЗДТГ-ын удирдлагууд, бодлого хариуцсан түшмэлүүд оролцож иргэдийн санал бодлыг сонсож, сонирхсон асуултанд хариулт өгч ажилласан юм.