УЛИАСТАЙ СУМЫН НИЙТИЙН ИХ ЦЭВЭРЛЭГЭЭ ЗОХИОН БАЙГУУЛАГДЛАА.
Улиастай суманд үйл ажиллагаа явуулж буй албан байгууллага, аж ахуйн нэгж, иргэд хамтран байгаль орчныг хамгаалах нөхөн сэргээх үүргийн дагуу нийтийн эзэмшлийн хуваарьт газрынхаа хог хаягдлыг цэвэрлэлээ.Аж ахуйн нэгж, байгууллага бүр орчныхоо 50 метр хүртэлх нийтийн эзэмшлийн зам талбайг цэвэрлэх, байгууллагынхаа хайс хашлага, хогийн сав, гадна фасад, хаяг, хаягийн байгууламжийг угааж өнгө үзэмжийг сайжруулах үүрэгтэй байдаг.Хаврын бүх нийтийн их цэвэрлэгээнд 84 аж ахуйн нэгж, албан байгууллагын 2671 гаруй албан хаагч, 3450 гаруй иргэн оролцлоо.Их цэвэрлэгээнээс гарсан 144.5тн хог хаягдлыг Хот тохижилт үйлчилгээний алба ачилт хийж төвлөрсөн хогийн цэгт буулгаж ажиллаа.Их цэвэрлэгээндээ идэвхтэй оролцсон төрийн болон хувийн хэвшлийн ААН байгууллага, иргэддээ Улиастай сумын зүгээс талархсанаа илэрхийлье.
Эрүүл, цэвэр цэмцгэр Улиастайн төлөө хамтдаа
