Гамшгийн аюулын зарлан мэдээллийн дохиогоор ажиллах дадлага сургууль 3 дугаар сарын 27-ны өдрийн 16:00 цагт орон даяар зохион байгуулагдана.

 Дадлага сургуулийн үе шатууд
 Эхний дуут дохио – “Нуугд, Суу, Хүлээ” зарчмыг баримталж, өрөөндөө аюулгүй байрлалд нуугдах (ширээн доогуур орох, даацын хана, булан тохойд зогсох).
 Хоёр дахь дуут дохио – Барилга, объектыг орхихдоо гарын доорх зүйлээр толгойгоо хамгаалж, “Гүйхгүй, Эргэж буцахгүй, Хашхирахгүй, Түлхэлцэхгүй” гэсэн дүрмийг мөрдөх.

 Монгол Улс ба газар хөдлөлтийн эрсдэл
 Манай орны нийт нутгийн 55.4% нь 7-8 баллын бүсэд, 19.6% нь 9 ба түүнээс дээш баллын газар хөдлөлийн бүсэд хамаардаг.
 Хот, суурин газрын 75% нь 7 ба түүнээс дээш баллын бүсэд байрладаг бөгөөд хүн амын 85% нь газар хөдлөлтийн өндөр эрсдэлтэй бүс нутагт амьдарч байна.
 Газар хөдлөлт нь урьдчилан таамаглах боломжгүй, гэнэт богино хугацаанд тохиолддог аюулт үзэгдэл учраас урьдчилан сэргийлэх, бэлтгэлтэй байх нь нэн чухал юм!