Улиастай сумын ИТХ-ын ээлжит 10-р хуралдаан 2022 оны 12 дугаар сарын 19-20-ний өдрүүдэд 77.4 хувийн ирцтэй зохион байгуулагдлаа. Тус хуралдаанаар:
- Улиастай сумын ИТХ, ажлын албаны 2022 оны гүйцэтгэлийн төлөвлөгөөний биелэлтийг хэлэлцэж, үнэлэлт дүгнэлт өгөх тухай
- Сумын ИТХ-аас гарсан тогтоол шийдвэрийг ИТХ, Засаг дарга хэрхэн биелүүлж байгаа талаарх тайланг сонсож үнэлэлт, дүгнэлт өгөх
- Улиастай сумд 2022 онд ОНХС, ОНТ, Малын тоо толгойн албан татварын орлогын санхүүжилтээр хийж хэрэгжүүлсэн ажлын тайланг сонсох
- Улиастай сумын 2022 оны хөгжлийн төлөвлөгөөний биелэлттэй танилцах
- Сумын Засаг даргын 2020-2024 онд хэрэгжүүлэх үйл ажиллагааны хөтөлбөрийн 2022 оны төлөвлөгөөний биелэлттэй танилцан үнэлэлт өгөх
- Улиастай сумд 2023 онд ОНХС, ОНТ, Малын тоо толгойн албан татварын орлогын санхүүжүүлтээр хийх жагсаалтыг батлах тухай
- Хоршоо хөгжүүлэх сангийн 2022 оны ажлын тайланд дүгнэлт өгөх, Хоршоо хөгжүүлэх сангийн 2023 оны төсөв батлах тухай
- Сумын Засаг даргын 2023 оны хөгжлийн төлөвлөгөөний төсөлтэй танилцах
- Улиастай сумын 2022 оны татварын орлогын төвлөрөлтийн явц, төсвийн хүлээгдэж буй гүйцэтгэлтэй танилцаж, 2023 оны төсөв батлах тухай
- Улиастай сумын 2022 оны Газар зохион байгуулалтын төлөвлөгөөний биелэлтэд үнэлэлт дүгнэлт өгч, 2023 оны Газар зохион байгуулалтын төлөвлөгөөг батлах
- Үл хөдлөх хөрөнгөд нэр дугаар бүхий хаяг олгох тухай
- Улиастай сумын 7-р цэцэрлэгээс ирүүлсэн хөрөнгө актлуулах тухай хүсэлтийг хэлэлцэн шийдвэрлэх
- Улиастай сумын ЖЦС-аас ирүүлсэн хөрөнгө актлуулах тухай хүсэлтийг хэлэлцэн шийдвэрлэх
- Улиастай сумын ус хангамж, ариун цэврийн байгууламжийн аюулгүй байдлыг хангах төлөвлөгөөг хэлэлцэн батлах
- “Улсын аварга тариаланчид уламжлах”-д тухай
- “Улсын аварга малчин”-д уламжлах тухай гэсэн асуудлыг хэлэлцэн 14 тогтоол гарган албажуулж ЗДТГ-т хүргүүлэн биелэлтийг ханган ажиллахыг үүрэг болголоо. Хуралдаанд ГХБХБГ-ийн дарга Д.Анхтэс, Жаргалантын Засаг дарга Б.Мөнхбаяр, Товцог багийн Засаг дарга П.Гаравмаа нар болон Богдын гол, Жарргалант багийн иргэд урилгаар оролцлоо.
