2026-06-12
27
Монгол Улсын Ерөнхий сайдын 2026 оны 10 дугаар албан даалгавар, Улсын Онцгой комиссын даргын 03 дугаар тушаал, аймгийн Засаг даргын А/258 дугаар захирамжийн хэрэгжилтийг хангах чиглэлээр Улиастай сумын ИТХ-ын даргын 2026 оны 06 дугаар сарын 03-ний өдрийн А/07 дугаар захирамжаар “ Хүүхдэд эрсдэл учирч болзошгүй орчин нөхцлийг тогтоох, зөрчил дутагдлыг арилгах, хяналт хийх ажлын хэсгийг байгуулж Улиастай сумын баг тус бүрт ажиллууллаа.
Ажлын хэсгийг багийн Засаг дарга нараар ахлуулан бүрэлдэхүүнд нь сумын Иргэдийн Төлөөлөгчдийн хурлын төлөөлөгчид, Засаг даргын Тамгын газар, ИТХ-ын ажлын алба, аймгийн Хөдөлмөр халамжийн үйлчилгээний газрын Хөдөлмөрийн улсын ахлах байцаагч, хөдөлмөрийн эрүүл ахуйн улсын байцаагч, Хүүхэд, гэр бүлийн хөгжил хамгааллын газрын Хүүхдийн эрхийн улсын байцаагч, аймгийн Онцгой байдлын газар, “Амь-ус” ХХК, Алтай-Улиастай ТӨХК, Байгаль орчны улсын байцаагч, Хот тохижилт үйлчилгээний албаны төлөөллийг тус тус оролцуулан 2026 оны 06 дугаар сарын 09-нөөс эхлэн 11-нийг дуустлах хугацаанд удирдамжийн дагуу хяналт хийх ажлыг зохион байгууллаа.